დღის ახალი ამბები

"რწმენას რომ სასწაულის მოხდენა შეუძლია, მეცნიერებაც არ დაობს - მორწმუნე ადამიანს კი არ უნდა დასცინო, არამედ უნდა გშურდეს მისი"

"რწმენას რომ სასწაულის მოხდენა შეუძლია, მეცნიერებაც არ დაობს - მორწმუნე ადამიანს კი არ უნდა დასცინო, არამედ უნდა გშურდეს მისი"
4-03-2020, 20:32
---

ფსიქოლოგი ნათია ფანჯიკიძე ზიარების საიდუმლოს ერთდჯერადი კოვზის შესრულების საკითხთან დაკავშირებით სოციალურ ქსელში საკუთარ მოსაზრებას აქვეყნებს.

ფანჯიკიძე წერს, რომ რწმენას სასწაულის მოხდენა შეუძლია და მედიციანაში თვითგანკურნების უამრავი მაგალითი არსებობს.
"რწმენას რომ სასწაულის მოხდენა შეუძლია, მეცნიერებაც არ დაობს, მედიცინაც აღიარებს ამ ფენომენს, უბრალოდ, როგორც მეცნიერებას სჩვევია, სხვანაირ სახელს არქმევს - პლაცებო და ნოცებო ეფექტი ჰქვია ადამიანის თვითგანკურნების ან თვითგანუკურნებლობის სასწაულს. სწორედ ამიტომ და არამარტო ამიტომ, მორწმუნე ადამიანს კი არ უნდა დასცინო, არამედ უნდა გშურდეს მისი. მთავარია, გავიგოთ, რომ მედიცინა და ჰიგიენა არ უპირისპირდება რწმენას. პლანეტის მოსახლეობა ბევრად უფრო ღრმადმორწმუნე იყო, პენიცილინის (ანტიბიოტიკის) გამოგონებამდე და მიუხედავად რწმენისა, მილიონობით ადამიანი იხოცებოდა სხვადასხვა ტიპის ეპიდემიის დროს. განუვითარებელი მედიცინის და ჰიგიენის საშუალებების არარსებობის პირობებში ადამიანის სიცოცხლის საშუალო ხანგრძლივობა დაახლოებით 40 წელი იყო. ჩემმა საყვარელმა ფრენდმა, ნანემ Nane Sharashenidze კი გაიხსენა და თქვენც გემახსოვრებათ ისტორიული წყაროებიდან, რომ სწორედ სასწაულმოქმედ ხატებზე და ჯვრებზე საწამლავის წასმით კლავდნენ სამეფო კარზე დაპირისპირებული მხარეები ერთმანეთს.

ხატი, მიუხედავად იმისა, რომ მოპირკეთებული იყო ძვირფასი მეტალით, რომელიც ნამდვილად ნაკლებად იკარებს "ჭუჭყს", ვერ ახერხებდა საწამლავის განეიტრალებას. მოკლედ, ბრაზის გარეშე სამსჯელოა ეს საკითხი.

ბოლოს და ბოლოს ზიარების საიდუმლოში მთავარი "მოქმედი პირი" კოვზი ხომ არაა. და თუ კოვზია, ასეთი ვარიანტი გამოდგება ნეტავ, რომ სპეციალურად შევიძინოთ ვერცხლის კოვზები და ვაკურთხოთ კიდეც და მხოლოდ ზიარებისთვის გამოვიყენოთ?" - წერს ნათაფანჯიკიძე.

წყარო: digest.pia.geскачать dle 12.1




გაზიარება
მოინახულეს 6 566-ჯერ
კომენტარები
რეკლამა