კიევთან ახლოს რუსი სამხედროები ერთმანეთს დაერიენ

კიევის რეგიონში, ევერინოვკას მახლობლად რუსი სამხედროები ერთმანეთს დაუპირისპირდნენ და ერთმანეთს ცეცხლი გაუხსნეს. ამის შესახებ ინფორმაცია უკრაინის შეიარაღებული ძალების სახმელეთო ჯარების პრესსამსახურზე დაყრდნობით ვრცელდება.

ბრძოლის შედეგად, 9 ტანკი და 4 ჯავშანტრანსპორტიორი განადგურდა. შესაბამისად, ბრძოლამ რუს ოკუპანტებს შორის უკრაინის არმიის 13 ჯაველინი გადაარჩინა.
„უკრაინის შეიარაღებული ძალები მწუხარებას გამოთქვამენ  დამპყრობლებს შორის ასეთი სუიციდური ტენდენციების გამოვლენისთვის და სთხოვენ მათ, რომ მოქმედებები გააგრძელონ ამ სულისკვეთებით“, - აცხადებენ უკრაინის შეიარაღებულ ძალებში.
შეგახსენებთ, 24 თებერვალს, დილის 5:00 საათზე, რუსეთის ფედერაციის შეიარაღებულმა ძალებმა დაიწყეს უკრაინის შეიარაღებული ძალების ქვედანაყოფების ინტენსიური დაბომბვა უკრაინის აღმოსავლეთით.
პარალელურად, რუსეთმა სახელმწიფო საზღვრის გასწვრივ უკრაინის ტერიტორიისა და დასახლებების დაბომბვა დაიწყო.

წყარო: pia.geскачать dle 12.1